17 oktòb 1806, 17 oktòb 2021 Apre 215 lanne sasinay anperè Desalin, Refonte Nationale vin mande tout Ayisyen kisa yo fè ak ideyal kokennchenn nèg sila a. Èske se te pou sa li te goumen pou ba nou libète ?  Èske se pou sa li wete pou premye fwa nan listwa limanite dwa opresè yo te pran pou fè lòt pèp pase nan je zegui ? Kilè n ap pran konsyans ke se pa peyi sila a zansèt yo ki te riske vi yo te reve pou nou ?  Kilè limyè a jayi nan lespri nou ?  Sa nou fè ak egregò peyi a ?  Sa nou fè ak Ogou Feray ?  Sa nou fè ak Èzili Dantò ? Sa nou fè ak Kouzen Zaka ? Ki Ayisyen jounen jodi a k ap pran linyorans pou kredo l ?  Ki Ayisyen jounen jodi a k ap pran nasyonalite l pou yon jouman ?  Mezanmi, idantite nanchonnal la ap chape nan men nou !  Men yo nòmalize kriz peyi a wi !  Atò lè yo di yon moun tèl bagay irasyonèl e nou viktim kondisyonnman, li di w se Ayiti ou ye !  Men nou ap bese tèt nou devan lennmi nou wi. Nou lage lespri lajenès la nan men yo !  Se yon gwo wonte wi ki pou ta ap kale ...