Sipopilasyon an Ayiti

Depi yon bon bout tan peyi a ap fè fas ak yon gwo pwoblèm ki se sipopilasyon ki se ogmantasyon kantite abitan nan yon zòn pa rapò a kantite resous ki disponib . Bagay sa vin yon kansè pou peyi a li koz anpil pwoblèm men pou nou pale de li pi byen fòk nou ta pale de sak la koz li yo epi pou nou pale de konsekans li yo.Bagay sa gen yon bann bagay ki koz li men nou pap site tout ,pami sak lakoz li yo nou ka di:yon mank de ledikasyon , pa gen anpil travay epi pa yon kontwòl demografik.

Koz:

Pou n kòmanse mank edikasyon se yon nan bagay ki lakòz pwoblèm sa paske nou konstate ke pifò moun nan peyi a pa edike ,lè nou pale de edikasyon se pa sèlman sa wap pran nan lekòl la men sa fanmi w ap ba ou a epi sa wap aprann nan sosyete a , ebyen ui gen anpil moun ki pa edike sa vin la koz yon deboulonnay nan sosyete nou , anplis de sa jèn yo pa jwenn yon edikasyon seksyèl nan men paran yo pou yo konnen kòman pou yo anpeche gwosès . 

Pou n fè suit nou di ke akoz travay ki pa genyen nan peyi a popilasyon an vin ogmante ui li ogmante , lè yon moun pap travay li vin gen yo fistrasyon lakay li pou l fè das a sa li lage tèt li nan plezi san kontròl tankou sèks , lè sa moun nan pral vin gen pitit paske l pat kontwole tèt li , yon sitiyasyon ki rive anpil ayisyen.

Pou n fini nou di ke gen yon mank de kontwòl demografik , ui pa gen yon kontwòl demografik sa vle di yo pa kalkile konbyen moun ki nan peyi a epi konbyen timoun ki fèt chak ane alevw pou yo ta chèche solisyon .

Donk an gro se sa yo ki koz sipopilasyon an nan peyi nou an.

Konsekans:

Kòm nou konnen chak bagay ki gen koz gen konsekans enben sipolilasyon an koz on bann pwoblèm nan peyi a tankou granhou ak zak kriminèl kap fèt yo .

Grangou, paske akoz popilasyon vin ogmante vin gen yon mank nan kantite manje nan peyi a deja nou konnen ke nou pa pwodui ase manje pou alimante popilasyon  an donk sa vin koz gen grangou.

Epi zak kriminèl , ui nou di sa se yonn nan konsekans yo paske akoz popilasyon an vin ogmante  vin gen yon grangou kounya pou yo viv yo vin lage tèt yo nan fè vye aksyon pou yo ka jwenn yon ti kichòy pou yo pa ret grangou.